Qytaıǵa joıqyn daýyl taıap qaldy: 1,6 mln-nan astam adam evakýatsııalandy
ShANHAI.QazAqparat - Qytaı bıligi Infa tropıkalyq daýylyna baılanysty shyǵys Chjetszıan provıntsııasynda 1,6 mıllıonnan astam adamdy evakýatsııalady, dep habarlaıdy QazAqparat Global Times basylymyna silteme jasap.
Daýyldyń jaqyndaýyna baılanysty QHR Damý jáne reformalar jónindegi memlekettik komıteti dúısenbide temirjol kóligi men metropolıten jumysyn toqtatýǵa keńes berdi. Sondaı-aq jergilikti bılik organdaryna tótenshe jaǵdaılardy joıýdyń birinshi deńgeıin engizý usynyldy.
Qytaıdyń Ortalyq meteorologııalyq qyzmetiniń habarlaýynsha, dúısenbide jergilikti ýaqyt boıynsha 09: 50-de Infa daýyly Chjetszıan provıntsııasynyń jaǵalaýyna jetti. Jeldiń maksımaldy kúshi 10 ball. Meteorologtardyń aıtýynsha, joıqyn daýyl Qytaıdyń shyǵysyndaǵy Shanhaı, Chjetszıan, Tszıansý jáne basqa aýdandarǵa zııan keltirýi múmkin.
Sarapshylar aımaqta jaýyn-shashyn 29 shildege deıin jalǵasady dep boljap otyr. Teńiz jaǵalaýyndaǵy Chjetszıan men Shanhaıdaǵy týrızm nysandardyń jumysy toqtatyldy.
