Qytaıǵa jóneltilmek bolǵan Qazaqstan tólqujattary túpnusqa bolmaı shyqty
ASTANA. QazAqparat - Qytaıǵa jóneltilmek bolǵan Qazaqstan tólqujattary túpnusqaǵa jatpaıdy. Bul týraly «QazAqparat» agenttigine QR Іshki ister mınıstrligi habarlady.
«17 naýryzda birqatar qazaqstandyq elektrondy BAQ betterinde Qytaıǵa qazaqstandyq tólqujattardy alyp ótpek bolǵan Gonkong azamattary týraly aqparat taraǵan bolatyn. Atalmysh Gonkong azamattary - Arjo Wiggins Security SAS kompanııasynyń ókilderi, QR Ulttyq bankiniń banknottyq fabrıkasyna tólqujattar men jeke kýálikti basyp shyǵaratyn arnaıy qural-jabdyqtardy jetkizetin álemdik ıntegrator bolyp tabylady. QR Іshki ister mınıstrliginiń «Aqparattyq-óndiristik ortalyq» RMK jeke kýálikterdi jáne qujattardy shyǵarýǵa qajetti jabdyqtar men tehnıkany jetkizý boıynsha birqatar sheteldik kompanııalarmen kelisimge otyrǵan, sonyń qatarynda Arjo Wiggins Security SAS kompanııasy da bar», - delingen habarlamada.
Mınıstrliktiń habarlaýynsha, keshe ustalǵan azamattar pasport blankilerine uqsas synaqqa arnalǵan tólqujat úlgilerin zańdy túrde alyp ótpek bolǵan. Ol blankiler Qazaqstanǵa ákelinetin qural-jabdyqtardy synaqtan ótkizý úshin qajet bolǵan.
«Tólqujattardyń barlyq paraqtary kádimgi aq qaǵazdan jasalǵan, onyń muqabasynda, forzatsy men qalǵan betterinde eshqandaı nómirler, sý belgileri men ózge de qaýipsizdik tańbalary joq. Synaq úlgileriniń betinde «ÚLGІ» degen mór bar. Golografııalyq plenkanyń ózi túpnusqaǵa jatpaıdy, sebebi onda qaýipsizdik elementteri basylmaǵan», - dep jazady ІІM baspasóz qyzmeti.
Vedomstvonyń habarlaýynsha, atalmysh tólqujattardyń úlgileri Arjo Wiggins Security SAS kompanııasynyń ókilderine qabyldaý-berý aktisi arqyly tapsyrylǵan. Sondyqtan atalǵan synaq úlgileri Qazaqstan Respýblıkasynyń ulttyq tólqujattary bolyp sanalmaıdy jáne olar tek satyp alynyp jatqan arnaıy qural-jabdyqtardy synaý úshin arnalǵan.
