Qytaıǵa jóneltilmek bolǵan 680 keli «qara metall synyqtaryn» qoldy etken ury anyqtaldy
ASTANA. 2 maýsym. QazAqparat - «Qazaqstan temir joly» UK» AQ-dan 680 keli «qara metall synyqtaryn» urlaý faktisi boıynsha kúdikti anyqtaldy.
Bul týraly QR ІІM-niń Kóliktegi Іshki ister departamentinen habarlady.
1 mamyr kúni QR ІІM Kódiktegi ІІD-niń Dostyq stansasyndaǵy jelilik ishki ister bólimine «Qazaqstan temir joly» UK» AQ-dan habarlasyp, № 60331840 júk poıyzynan Qytaıǵa jóneltý úshin daıyndalǵan 680 keli «qara metall synyqtary» urlanǵanyn aıtqan.
Shuǵyl-izdestirý jumystary barysynda kóliktegi polıtsııa qyzmetkerleri turǵylyqty jerinen Shyǵys Qazaqstan oblysynyń eshbir jerde jumys istemeıtin 21 jastaǵy turǵynyn qolǵa túsirdi. Odan qylmystyń zattaı aıǵaqtary tabyldy.
Polıtsııa tekserý jumystaryn júrgizýde.
