Qytaıǵa taǵy bir taıfýn jaqyndaı tústi

ASTANA. QazAqparat – QHR-dyń sý tasqyny men qurǵaqshylyqqa qarsy memlekettik shtaby «Hanýn» taıfýnynyń jaqyndaýyna baılanysty 4-deńgeıdegi jedel áreket etý rejımin iske qosty. Sondaı-aq, Chjetszıan provıntsııasyna (Shyǵys Qytaı) bıyldyqqa altynshy taıfýnnyń saldaryn joıýǵa kómektesý úshin jumys tobyn jiberdi, dep habarlaıdy QazAqparat «Sınhýa» aqparat agenttigine silteme jasap.

QHR shtab keńsesi men tótenshe jaǵdaılardy basqarý mınıstrligi ótkizgen birlesken keńeste sý tasqyny men taıfýnǵa qatysty jaǵdaı kúrdeli bolyp turǵany aıtyldy. Hýanhe ózeniniń basseınindegi sý tasqyny orta jáne tómengi aǵysqa qaraı taralyp, sý joldary men bógetterge aıtarlyqtaı qysym túskeni de atalyp ótti.

Saqtandyrý sharalaryn qabyldaý eldiń soltústik-shyǵysyndaǵy Tszılın jáne Heılýntszıan provıntsııalarynda jaýyn-shashynmen, sondaı-aq «Hanýn» taıfýnynyń kúrdeli jáne belgisiz baǵytymen kúrdelene túsýi múmkin dep boljanady.

Osyndaı qolaısyz jaǵdaıdy eskere otyryp, shtab pen mınıstrlik eldiń soltústik-shyǵys aýdandarynda qarqyndy jaýyn-shashynǵa daıar bolýǵa, «Hanýn» taıfýnynyń qozǵalysyn muqııat baqylaýǵa jáne daıyndyq jumystaryn júrgizýge barlyq kúshti jumsaýǵa shaqyrdy.

Chjetszıan provıntsııasy «Doksýrı» taıfýnynan keıingi «Hanýn» taıfýnynyń jaqyndaýyna baılanysty tótenshe jaǵdaıǵa jaýap berý deńgeıin 4-ten 3-ke deıin kóterdi. Jergilikti meteoqyzmet aldaǵy kúnderi nóser quıyp, teńiz tolqyndary 8-10 metrge deıin kóterilýi múmkin dep boljady.