Qytaıǵa sıyr etin eksporttaýǵa quqyǵy bar kásiporyndar tizilimi keńeıtildi

NUR-SULTAN. QazAqparat - Qytaıǵa sıyr etin eksporttaýǵa quqyǵy bar kásiporyndar tizilimi keńeıtildi. Bul jaıynda QR Aýyl sharýashylyǵy mınıstrliginiń facebook-tegi paraqshasynda jarııalanǵan aqparatta aıtylǵan, dep habarlaıdy QazAqparat tilshisi.

«2019 jyldyń 10 mamyrynda Qytaıdyń Bas keden basqarmasy Aqtóbe oblysynyń «Aqtóbe et kombınaty» JShS, Almaty oblysynyń «MPS» JShS jáne «Baıserke Agro» JShS-ne Qazaqstannan sıyr etin ákelýge quqyǵy bar kásiporyndar tizilimine engizdi. Sonymen qatar, Aqmola oblysynyń «Astana Agroproduct» JShS-in osy tizilimge engizý týraly sheshim kútilýde», - delingen aqparatta.

Eske sala keteıik, 26 sáýirde Beıjińdegi «Bir beldeý - bir jol» ekinshi forýmy aıasynda et jáne et ónimderine veterınarlyq sertıfıkat berildi. Tizilimge 5 qazaqstandyq kásiporyn kirgen bolatyn.