Qytaıǵa Qazaqstannan qandaı ónimderdi tasymaldaýǵa bolady
QR Aýyl sharýashylyǵy vıtse-mınıstri Arman Evnıevtiń aıtýynsha, búgingi tańda balyq, asyl tuqymdy jylqylar, qoı eti, bal, bıdaı, bıdaı kebegi, soıa burshaǵy, raps, sıyr eti, jonyshqa, un, ósimdik maıy, arpa men júgeri úshin Qytaı naryǵy ashyq. "Osynyń arqasynda 9 aıdyń ishinde Qazaqstannan Qytaı eline aýyl sharýashylyǵy ónimderiniń eksporty 42 protsentke ulǵaıdy. Iran tarapynan tiri qoıdy, tońazytylǵan jáne salqyndatylǵan qoı etin, sıyr etin, jumyrtqa jetkizýge arnalǵan veterınarııalyq talaptar kelisildi. Bıyl tiri iri qara malǵa qoıylatyn talaptardy kelisý josparlanyp otyr. Sondaı-aq, iri qara jáne usaq maldy Saýd Arabııasyna, al et pen et ónimderin, taýyq jumyrtqasyn Birikken Arab Ámirlikterine jetkizýge qatysty shekteýler alynyp tastaldy", - dedi A.Evnıev Mınıstrler kabınetiniń otyrysynda.
Vıtse-mınıstrdiń sózine qaraǵanda, otandyq 171 kásiporyn aýyl sharýashylyǵy ónimderin eksporttyq quqyǵy bar shetelderdiń tizimine kiredi. Máselen, 153 kásiporynda túrli agroónerkásip ónimderin Qytaıǵa eksporttaýǵa ruqsat bar. Al 17 kásiporyn balyq ónimderin Eýropa elderine tasyp júr.