Qytaıǵa «Fıtoý» daýyly jaqyndap keledi
BEIJІŃ. 5 qazan. QazAqparat - «Fıtoý» kúshti daýyly Qytaıǵa jaqyndap keledi. Boljam boıynsha, apat jeksenbi kúni Qytaıdyń shyǵys jaǵalaýyna jetedi, dep habarlady búgin QHR meteorologııalyq qyzmetinen.
«Fıtoý» - aǵymdaǵy jylǵy esep boıynsha 23-shisi. Qazir «Fıtoý» daýylynyń oshaǵy Taıbeıdiń shyǵysyna qaraı 600 shaqyrym jerde ornalasqan jáne ol Qytaı jaǵalaýyna saǵatyna 15 shaqyrym jyldamdyqpen jaqyndap keledi. QHR bıligi búgin tańerteń «Fıtoý» taıfýnynyń joǵary qaýpi jaıly eskertý sharalaryn kúsheıtti.
Boljam boıynsha, daýyl jeksenbi kúni Chjetszıan, Fýtszıan, Tszıansý shyǵys provıntsııalarynyń jaǵalaýlaryna jetip, Shanhaı megapolısine deıin kóterilmek. «Fıtoý» ózimen birge qatty jaýyn men saǵatyna 120 shaqyrymǵa deıingi jel ekpinin ala keledi.
Sonymen qatar, apattyń soqqysynan Koreıanyń jartylaı aralynyń ońtústik-batysy zardap shegýi múmkin.
