Qytaıǵa eksporttalatyn balyq ónimderiniń kólemi ósedi

ASTANA. QazAqparat – Búgin Parlament Májilisindegi Úkimet saǵatynda QR Ekologııa, geologııa jáne tabıǵı resýrstar mınıstri Serikqalı Brekeshev joǵary talaptarǵa saı keletin balyq óńdeý kásiporyndary týraly aıtty, dep habarlaıdy QazAqparat tilshisi.

«Qazir 72 balyq óńdeý kásiporny jumys istep jatyr. Onyń ishinde 17 kásiporyn joǵary talaptarǵa saı keledi jáne balyq ónimderin Eýropalyq odaq elderine eksporttaý quqyǵyn aldy. Sonymen qatar qosymsha taǵy 14 qazaqstandyq kásiporyn osyndaı eksport quqyǵyn alýǵa ótinim berdi», - dedi S. Brekeshev.

Osy oraıda ol Qytaı baǵytyndaǵy eksportqa toqtaldy.

«Eksport naryǵyn keńeıtý maqsatynda Qazaqstan men Qytaı arasynda veterınarııalyq sertıfıkat kelisildi. Bul turǵyda Qytaı tizilimine 64 qazaqstandyq kásiporyn engizildi», - dedi mınıstr.

Budan buryn habarlanǵandaı, Qazaqstan 25 myń tonna balyq ónimderin eksporttaıdy.

Balyqty zańsyz aýlaǵandar 15 táýlikke qamalýy múmkin.