Qytaıǵa aıý tabandaryn zańsyz alyp ótpek bolǵandar ustaldy
ASTANA. 18 maýsym. QazAqparat - Qytaı shekarashylary Reseımen shekarada 200-den astam aıý tabandaryn jasyryn alyp ótpek bolǵan júk kóligin ustady.
Ýtro.rý agenttiginiń habarlaýynsha, reseılik kólik dóńgelekterge jasyrylǵan kontrabandalyq zattardy rentgen kómegimen shekarashylar anyqtaǵannan keıin tintilgen.
Aıta keterligi, Qytaıda aıý tabandaryn satýǵa shekteý qoıylǵan. Degenmen bul taýarlardyń zańsyz naryǵy óte tanymal. Óıtkeni aıý tabandary dástúrli qytaı medıtsınasynda qoldanylady ári jeńsik asy retinde de suranysqa ıe.
