Qytaıǵa alapat taıfýn jaqyndap keledi
BEIJІŃ. SINЬHÝA - QazAqparat – Juma kúni tańerteń Qytaıdyń Ulttyq meteorologııalyq ortalyǵy eldiń shyǵys jaǵalaýlaryna asa qaýipti sýpertaıfýn kele jatqanyn málimdedi, dep habarlaıdy «QazAqparat» HAA Xinhua agenttigine silteme jasap.
Joıqyn daýylǵa «Lekıma» degen at berildi. Boljamdarǵa sáıkes, ol Qytaı shyǵysyndaǵy Chjetszıan provıntsııasyna senbi kúni jetedi jáne ol bıyl Qytaıǵa tóngen toǵyzynshy taıfýn bolmaq.
Búgin jergilikti ýaqytpen tańǵy 8-de «Lekımanyń» ortalyǵy Chjetszıan provıntsııasyndaǵy Venlın qalasynan ońtústik-shyǵysqa qaraı 290 km qashyqtyqta bolǵan. Jeldiń jyldamdyǵy saǵatyna 209 km aınalasynda.
Taıfýnnyń ózi soltústik-batysqa qaraı saǵatyna 13 km jyldamdyqpen jyljyp keledi. Dál osyndaı jyldamdyqpen júrse, jaǵalaýǵa senbi kúni tańerteń jetedi.
Budan tys, Anhoı, Fýtszıan, Tszıansý jáne Chjetszıan provıntsııalarynda jáne Shanhaıda búgin túnde nóser jaýady.
