Qytaıdyń jańa basshylyǵy 17 naýryzda bekitiledi
ASTANA. 6 naýryz. QazAqparat - Qytaı basshylyǵynyń jańa quramy 17 naýryzda eldiń joǵarǵy zań shyǵarýshy organy - on ekinshi shaqyrylǵan Búkilqytaılyq halyq ókilderi jınalysynyń (BQHÓJ) birinshi sessııasy jabylatyn kúni bekitiledi, dep málimdedi jýrnalısterge onyń resmı ókili Fý In.
BQHÓJ sessııasy 5 naýryzda ashyldy, jınalystyń jabylýy 17 naýryzda ótedi, dedi Fý In, onyń aldynda BQHÓJ tóraǵasy, QHR tóraǵasy, eldiń vıtse-tóraǵasy, Memlekettik Keńestiń premeri men onyń orynbasarlary, sondaı-aq mınıstrlikter basshylary, Qytaı Halyq Bankiniń jáne sot organdarynyń basshylyǵy saılanady.
Ókimet bıligin qytaı basshylyǵynyń «besinshi býynyna» berý rásimi 2012 jylǵy qarashada el kompartııasynyń 18-shi sezinde bastaldy, dep habarlady reseılik «Jańalyqtar» agenttigi. Qazirgi QHR tóraǵasy Hý Tszıntao men QHR Memlekettik keńesiniń basshysy Ven Tszıabao Ortalyq Komıtettiń jańa quramyna engen joq, al partııanyń bas hatshysy qyzmetine eldiń vıtse-tóraǵasy Sı Tszınpın saılandy.
