Qytaıdyń Ýsı qalasynda sadaq atýdan jasóspirimder arasynda álem chempıonaty ótýde
ASTANA. 18 qazan. QazAqparat - Qytaıdyń Ýsı qalasynda sadaq atýdan jasóspirimder arasynda álem chempıonaty ótip jatyr. Bul synǵa qazaq mergenderi de attanǵan.
On jeti jastaǵy Sanjar Musaev uldar arasyndaǵy jekeleı synda fınalǵa shyqty. Demek, qorjynymyzda kem degende kúmis júlde bar degen sóz.
Qandasymyz aldymen polıak Kashper Vızondy, frantsýz Tomas Koenıgti, shırek fınalda taıpeılik Lı Chı Tangty utty. Al jartylaı fınalda reseılik Arslan Valdanovtan 7:1 esebimen basym tústi. Sanjar endi altyndy anglııalyq Patrık Hıýstonmen sarapqa salady. Bul týraly alaman.kz. habarlaıdy.
