Qytaıdyń ulttyq kitaphanasynda qazaqstandyq ádebıet buryshy ashyldy

Sharany Qazaqstan Mádenıet jáne sport mınıstrligi jáne Qytaı mádenıet mınıstrliginiń járdemimen QHR-daǵy QR Elshiligi uıymdastyrdy.  Oǵan QHR-daǵy QR Tótenshe jáne Ókiletti Elshisi Shahrat Nuryshev, Qazaqstan Ulttyq akademııalyq kitaphana basshysy Úmithan Muǵalbaeva, Qytaı ulttyq kitaphana dırektory Han ıÝntszın, qazaqstandyq dıplomattar, Qytaı ortalyq telearnasynyń tilshileri, belgili jazýshy Akbar Májıt, QHR-daǵy basqa da qazaq zııalylary qatysty.

Qazaqstan Ulttyq akademııalyq kitaphanasy Qytaı ulttyq kitaphana qoryna qazaq, orys, aǵylshyn, qytaı tilderinde kórkem, ǵylymı-pýblıtsıstıkalyq, basqa da janrlar qamtylǵan 100-den astam kitap, onyń ishinde Qazaqstan Prezıdenti Nursultan Nazarbaevtyń, QR kórnekti saıasat qaıratkerleriniń týyndylaryn tapsyrdy.

    

Sondaı-aq shara qatysýshylarynyń nazaryna «Turan» etno-folklorlyq ansambliniń  kontserti usynyldy. «Mádenı baılanystar Qazaqstan men Qytaı halyqtary arasyndaǵy dostastyq qatynastardy nyǵaıtýda erekshe rólge ıe. Eki el qoǵamdastyǵynyń úzdik ózara túsinistigi úshin ádebı týyndylarmen almasýdyń mańyzy zor. Búgingi shara - Qytaı ulttyq kitaphanasynda qazaq ádebıetiniń buryshyn ashý - ekijaqty qatynastyń erekshe deńgeıiniń kýási bolyp tabylady», - dedi rásimde Sh. Nuryshev.

 

Qytaı ulttyq kitaphanasynyń dırektory Han ıÝntszın qazaqstandyq tarapqa syılaǵan kitaptary úshin alǵys bildirdi. «QUK qazaq ádebıeti buryshyn ashý Qytaı men Qazaqstan arasyndaǵy dıplomatııalyq qatynas ornatýdyń 25 jyldyǵy jáne QR Táýelsizdiginiń 25 jyldyǵy qarsańynda ótýde», - dedi ol.

Qytaı Halyq Respýblıkasy bolyp jarııalanǵan sátte kitaphana qorynda bir jarym mıllıonǵa jeter-jetpes qujat bolǵan. 1998 jylǵy jeltoqsanda QHR Memlekettik keńesi kitaphananyń atyn «Chjýngo gotszıa týshýgýan» (Qytaı ulttyq kitaphanasy) dep ózgertti. Kitaphana álemdegi qytaı kitaptarynyń eń kóp kollektsııasyn qamtıdy.