Qytaıdyń tuńǵysh ushaq tasyǵysh kemesinde Juldyz atty qazaq qyzy qyzmet etedi
ASTANA. QazAqparat - Qytaıdyń tuńǵysh ushaq tasyǵysh kemesinde (avıanosets) Juldyz atty qazaq qyzy qyzmet etedi. Bul týraly qytaılyq BAQ habarlady.
Qytaıdyń tuńǵysh ushaq tasýshy Lıaonın kemesine áıel áskerıler tuńǵysh ret alynyp otyr. Sondyqtan jurtshylyq tarapynan olarǵa erekshe nazar aýdarylýda. Lıaonındegi áskerı qyzdar teńizdegi baılanys pen navıgatsııa salasynda qyzmet etetin bolady.
Aıta keteıik, jalpy názik jandylar tuńǵysh ushaq tasýshy kemedegi áskerı quramnyń 5 paıyzyn quraıdy.
Lıaonın avıatasymaldaýshysyndaǵy áıel áskerıler 9 ult ókilderinen quralǵan. Solardyń ishinde Juldyz atty qazaq qyzy da bar. Onyń týǵan jeri Shyńjań ólkesiniń Sanjy qalasy teńizden qashyq bolǵandyqtan, ásker qataryna qabyldanǵanǵa deıin teńizdi múlde kórmegen bolyp shyqty.
«Men ómirimde teńizdi kórgen emespin. Tipti aq forma kıip, avıatasyǵyshta áskerı qyzmet etem dep te oılamaǵan edim. Esimde, biz munda túnde keldik. Alystan úlken jaryqtar janyp turdy. Men kemeni sol shamdarǵa qarap úlken ǵımarat eken dep oılaǵanmyn. Sóıtsem, ol alpaýyt avıatasyǵysh bolyp shyqty», - deıdi Juldyz.
