Qytaıdyń toǵyz turǵyny pandany óltirgeni úshin sottaldy
ASTANA. QazAqparat - Qytaıdyń ońtústigindegi ıÝnnan provıntsııasynyń soty pandany óltirýge qatysy bar toǵyz adamǵa qatysty úkim shyǵardy. Olardyń barlyǵy bir jyldan 13 jylǵa deıin aralyqta jazalaryn temir torda óteıdi.
«Sınhýa» agenttininiń jazýynsha, panda 2014 jyldyń jeltoqsan aıynda óltirilip, bólshektep satylǵan.
Oqıǵaǵa kináli Chjaotýn qalasynyń turǵyny Van Venlın pandany óltirgeni úshin 13 jylǵa sottalsa, al onyń aǵasy Van Ventsaı etin bólshektep satqany úshin 11 jylǵa bas bostandyǵynan aıyryldy. Olardyń ekeýine sondaı-aq, 1,5 myń dollar kóleminde aıyppul salyndy. Taǵy bir er adam Van Ventsaımen birge pandanyń bólikterin satqany úshin tórt jyl túrmede otyrady.
Aǵaıyndy Vandardyń ózi bul qylmysyn haıýannyń qoradaǵy qoılaryna shabýyl jasaǵany úshin óltirgenin aıtady. Olar basynda panda ekenin bilmegen kórinedi.
