Qytaıdyń taǵy bir óńirinde koronavırýstyń oshaǵy anyqtaldy

BEIJІŃ. QazAqparat – Qytaıdyń úshinshi óńirinde koronavırýstyń jańa oshaqtary anyqtaldy, dep habarlaıdy QazAqparattyń Qytaıdaǵy tilshisi.

Qytaıdyń soltústigindegi teńiz jaǵalaýynda ornalasqan Lıaonın provıntsııasyndaǵy Dalıan qalasynda koronavırýstyń 16 jaǵdaıy anyqtaldy, onyń 12-sinde aýyrýdyń klınıkalyq belgileri joq.

Jergilikti BAQ-tyń habarlaýynsha, koronavırýs oshaǵy teńiz ónimderin óńdeıtin kásiporyn qyzmetkerlerinen shyqqan. Qazir kásiporyn jumys istemeı tur. Qazirdiń ózinde kásiporynǵa jaqyn mańda turatyn 190 myń adam vırýsqa qarsy testen ótken.

Aıta ketsek, Lıaonın provıntsııasy koronavırýstyń jańa oshaǵy tirkelgen Beıjiń men Shyńjannan keıingi Qytaıdaǵy úshinshi óńir.