Qytaıdyń syrtqy ister mınıstrligi ushaq apatyna baılanysty kóńil aıtty

BEIJІŃ. QazAqparat – «Almaty mańynda bolǵan ushaq apatynda qaza bolǵandar men zardap shekenderdiń otbasyyna qaıǵyryp kóńil aıtamyz». Bul týraly juma kúni ótken baspasóz konferentsııasynda Qytaı Halyq Respýblıkasy syrtqy ister mınıstrliginiń resmı ókili Gen Shýan aıtty, dep habarlaıdy QazAqparat.

Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.

Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.

QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.

Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.