Qytaıdyń Sychýan provıntsııasynda jer silkindi
ASTANA. Qarashanyń 23-i. QazAqparat - Qytaıdyń ońtústik-batysyndaǵy Sychýan provıntsııasynda kúshi 4,8 baldyq jer silkinisi boldy,
dep habarlady dúısenbi kúni «Sına» jańalyqtar portaly.
Jergilikti seısmıkalyq qyzmettiń málimetteri boıynsha, jerasty dúmpýleri dúısenbi kúni jergilikti ýaqyt boıynsha saǵat 15.25-te tirkeldi. Zilzala kindigi 2008 jylǵy qýatty jer silkinisinen keıin álemge tanymal bolǵan Venchýan ýezinde bolǵan. Byltyr mamyr aıynda osy óńirde bolǵan 8 baldyq zilzalanyń saldarynan 90 myńdaı adam opat bolyp, 374 adam jaralanǵan, mıllıondaǵan adam baspanasyz qalǵan edi.
Búgingi jer silkinisi Chýntsın megapolısi men tóńirektegi basqa da aýdandarda sezildi. Qıraýlar men zardap shekkender týraly ázirge aqparat joq.
