Qytaıdyń Sýıfenhe qalasynda reseılik rýbl resmı túrde qoldanylady
ASTANA. QazAqparat - Soltústik-shyǵys Qytaıdaǵy Heılýntszıan provıntsııasynyń Sýıfenhe qalasynda reseılik rýbldiń qytaılyq ıýanmen teńdeı qoldanylýyna resmı ruqsat berildi.
Sáıkes qaýlyny Qytaıdyń Halyq banki (Ortalyq banki) jarııa etken. «Shekaradaǵy qalada reseılik valıýta aınalymyn engizý amerıkandyq dollardyń ornyna ıýan men rýbldi paıdalanýmen ekijaqty saýda-sattyqty oń damytýdyń nátıjesinde múmkin boldy», dedi Qytaı Halyq bankiniń monetalyq saıasaty jónindegi komıtet basshysynyń orynbasary Tszın Meı. Sınhýa agenttigi habarlaǵandaı, Reseı men QHR shekarasynda ornalasqan Sýıfenhe qalasy mańyzdy transshekaralyq saýda ortalyǵy bolyp tabylady. Bul qala arqyly Heılýntszıan provıntsııasynan Reseıge taýarlardyń 80% eksporttalady.
