Qytaıdyń soltústik-shyǵysynda asa sırek kezdesetin manjýr jolbarysynyń izi baıqaldy
ASTANA. QazAqparat - Lınkoýdyń 1963 jyl qurylǵan ormandy óńirinde (Heılýntszıan provıntsııasy, Soltústik-Shyǵys Qytaı) alǵash ret asa sırek kezdesetin manjýr jolbarysynyń izderi baıqaldy.
Jergilikti sarapshylar Veı esimdi jergilikti sharýanyń malyna shapqan jyrtqyshtyń izderin zertteı kele, amýr jolbarysy degen uıǵarymǵa keldi. Budan basqa taǵy ań ózge fermanyń da eki eshkisin jáýkemdep ketken. Bul oqıǵalar Lınkoý óńirine shekaralyq aýdandardan jolbarystyń kelgendigin bildiredi.
Tabıǵatta jolbarystyń bul túriniń sany 500-den aspaıdy. Manjýr (amýrlyq) jolbarys negizinen Reseıde, Soltústik-Shyǵys Qytaıda jáne Koreıa jarty araldarynda tirshilik etedi.
Qytaıda bar-joǵy18-den 22 aralyǵynda ǵana. Olar shekaralyq aýdandardy meken etedi, dep habarlaıdy Sınhýa.
