Qytaıdyń soltústik-batysyndaǵy nóserli jańbyr qurbandarynyń sany 37-ge jetti
ASTANA. 13 mamyr. Qytaıdyń soltústik-batysyndaǵy Gansý provıntsııasynda tolassyz jaýǵan jańbyrdyń qurbany bolǵandardyń sany 37 adamǵa jetti.
Búgin Sınhýa agenttigi málim etkendeı, iz-túzsiz joǵalǵan 19 adamdy izdeý boıynsha keń aýqymdy jumystar júrgizilýde
Bılik ókilderi 30 myńǵa jýyq turǵyndy qaýipsiz aımaqqa kóshirdi. Provıntsııanyń bıýdjetinen tabıǵı apatpen kúresýge 2 mln. ıýan (317,5 myń dollar) bólindi.
Ásirese, beısenbi kúni burshaq aralas nóser jaýyp ótken Dınsı qalasyna jaqyn jerdegi Mınsıan ýezi qatty zardap shekti. Apat aımaǵynda 450 myń adam turatyn 18 eldi mekenniń 17-i qaldy. Ol jerde energııamen qamtý júıesi men telekommýnıkatsııa jelisi isten shyqty. Turǵyn úıler men mektepter, aýrýhanalar zardap shekti, eki tas joldy sý shaıyp ketti, 3,9 myń gektar egis alqaby joıyldy.
Sınoptıkterdiń boljaýynsha, Qytaıdyń soltústik-batysyn jańa nóserli jańbyrlar men quıyndy daýyldar kútip tur.
