Qytaıdyń soltústik batysynda jol apaty saldarynan 36 adam qaza tapty
ASTANA. QazAqparat - Búgin túnge qaraı Shensı provıntsııasyndaǵy (Soltústik batys Qytaı) kúre jolda jolaýshylar avtobýsy apatqa ushyrap, 36 adam qaza tapty,13-i jaraqat aldy.
Provıntsııanyń qoǵamdyq qaýipsizdik basqarmasynyń málimetinshe, beısenbi kúni shamamen 23:34 kezinde Chendý qalasynan (Sychýan provıntsııasynyń ákimshilik ortalyǵy) Loıan qalasyna (Henan provıntsııasy, Ortalyq Qytaı) baǵyt alǵan jolaýshylar avtobýsy Shensı provıntsııasy aýmaǵyndaǵy Sıan-Hanchjýn jolynda týnnelge shyǵatyn jerdegi qabyrǵaǵa soǵylǵan.
Zardap shekkenderdiń barlyǵy dereý aýrýhanalarǵa jetkizildi. Apattan keıin memlekettik keńes múshesi, QHR qoǵamdyq qaýipsizdik mınıstri Go Shenkýn apat sebebin múmkindiginshe jyldam anyqtap, zardap shekkenderge meılinshe joǵary kómek kórsetilýin talap etti.
