Qytaıdyń soltústik-batysynda jer silkindi
ASTANA. 28 shilde. QazAqparat - Qytaıdyń soltústik-batysyndaǵy Gansý provıntsııasynda jer silkindi, dep habarlaıdy BNews.kz saıtynan. Onyń magnıtýdasy 4,5-ti qurady. Tabıǵı apat saldarynan 33 adam zardap shekti. ITAR-TASS agenttiginiń habarlaýynsha, ekonomıkalyq shyǵyn 260 mln ıýanǵa (42,4 mln. dollar) baǵalanyp otyr.
Jerasty dúmpýleri jergilikti ýaqyt boıynsha senbige qaraǵan túni Vensıan ýezinde tirkeldi. Jer silkinisiniń oshaǵy 6 km tereńdikte ornalasty. Apat saldarynan birqatar aýyl jáne eldi mekendermen avtokólik jáne telekommýnıkatsııa qatynasy buzyldy.
Eske sala ketsek, 22 shilde kúni Gansý provıntsııasynda magnıtýdasy 6,6-ǵa jetken jer silkinisi boldy. Ol 95 adamnyń ómirin jalmady, 1400-den astam adam túrli jaraqat aldy.
