Qytaıdyń soltústik-batysynda sý tasqynynan 200 myńnan astam adam zardap shekti
ASTANA. QazAqparat - QHR-dyń soltústik-batysynda Shyńjań-Uıǵyr avtonomııalyq ólkesinde bir jarym aptadan astam ýaqyt nóserlep jaýǵan jaýynnyń arty tasqynǵa ulasyp 236 myń adam zardap shekti, 4 adam qaza boldy. Bul týraly Sınhýa agenttigine silteme jasaǵan ITAR-TASS habarlady.
Jergilikti bıliktiń málimetteri boıynsha, ShUAÓ-niń 27 qalasy men ýezin sý basty. Aýa raıynyń qolaısyzdyǵynan qaýipsiz aýdandarǵa ýaqytsha 3 myńnan astam jergilikti turǵyn kóshirildi. Sý tasqynynan kelgen zalal 44 mln. dollardan asyp jyǵyldy. Apatty aýdanǵa gýmanıtarlyq kómek jiberildi.
