Qytaıdyń soltústiginde sý tasqyny saldarynan 120 myń adam evakýatsııalandy

TAIıÝAN. Sınhýa – QazAqparat – Qytaıdyń soltústigindegi Shansı provıntsııasynda uzaqqa sozylǵan nóser jańbyr saldarynan sý tasqyny boldy. 120 myńnan astam adam evakýatsııalandy, dep habarlaıdy QazAqparat Sınhýa agenttigine silteme jasap.

Provıntsııanyń tótenshe jaǵdaılar basqarmasynyń derekterine qaraǵanda, sý tasqynynan 76 okrýgten, qalalar men aýdandardan 1,76 mıllıon adam zardap shekken. Vedomstvonyń málimetinshe, 190 myń gektarǵa jýyq egistikke zaqym kelgen, 17 myńnan astam ǵımarat qulaǵan.

Ár túrli deńgeıdegi tótenshe jaǵdaılar organdary zardap shekken turǵyndardy ornalastyrý úshin 4000 shatyr, 3200 jınalmaly tósek, jastyq kıim men kórpe jáne basqa da qajetti zattardy bóldi.