Qytaıdyń soltústiginde 6,4 magnıtýdaly jer silkinisi boldy
ASTANA. QazAqparat - Qytaıdyń soltústik-shyǵysynda Heılýntszıan provıntsııasynda 6,4 magnıtýdaly jer silkinisi boldy. Bul týraly Qytaı seısmologııalyq ortalyǵynan habarlady.
Jer asty dúmpýleri jergilikti ýaqytpen saǵat 12:22 (07:22 msk) tirkeldi. Oshaǵy Qytaı men Reseı shekarasy mańyndaǵy Mýdantszıan qalalyq okrýginiń Lınkoý ýezinde 580 km tereńdikte boldy. Buryn AQSh Geologııalyq qyzmeti jer silkinisiniń magnıtýdasy 5,7 quraǵanyn habarlaǵan edi. Japa shekkender jáne ǵımarattardyń qıraýy týraly derekter túsken joq, dep habarlady TASS.
