Qytaıdyń Sınhýa aqparattyq agenttiginiń jańa bas dırektory taǵaıyndaldy
ASTANA. QazAqparat - Qytaıda Sınhýa aqparattyq agenttiginiń jańa bas dırektory jáne partııalyq tobynyń hatshysy bolyp Tsaı Mınchjao taǵaıyndaldy, dep jazady TASS.
Buryn bul qyzmette bolǵan 65 jastaǵy Lı Tsýntszıýn zeınetke shyqqan. Tsaı Mınchjao 1955 jyly týǵan, 1978-2001 jyldar aralyǵynda Sınhý agenttiginiń tilshisi, bas dırektordyń orynbasary qyzmetterin atqarǵan. Shet tilderindegi ádebıetterdi basyp shyǵarý men taratý isteri jónindegi basqarmanyń basshysy, "Jenmın jıbao" gazetiniń bas redaktory, Qytaı kommýnıstik partııasynyń ortalyq komıtetiniń úgit-nasıhat bólimi meńgerýshisiniń orynbasary syndy túrli basshylyq qyzmetterde bolǵan. Qytaı kompartııasy ortalyq komıtetiniń múshesi.
