Qytaıdyń Sıan qalasynda bolǵan jarylystan zardap shekkender arasynda qazaqstandyq stýdentter joq
BEIJІŃ. 14 qarasha. QazAqparat /Rýslan Súleımenov/ - Qytaı Halyq Respýblıkasy Shensı provıntsııasynyń Sıan qalasynda bolǵan jarylysta 7 adam qaza taýyp, 31 adam jaraqat aldy.
Jergilikti bılik taratqan málimettirge júıginsek, qalalyq keńselerdiń birinde gaz ballony jarylǵan. Qaza tapqandardyń kimder ekendigi anyqtalmady. Zardap shekkender Sıan qalasynyń aýrýhanalaryna jetkizildi.
Sıan qalasyndaǵy «Yqpaldastyq» qazaqstandyq halyqaralyq qorynyń ókili He Chenniń aıtýynsha, qaza tapqandar men zardap shekkender arasynda Qazaqstan stýdentteri joq. Onyń aıtýynsha, qazirgi tańda atalmysh qalada 400-ge jýyq qazaqstandyq stýdentter bilim alýda.
