Qytaıdyń Shyńjan ólkesinde jer silkindi
BEIJІŃ. 30 maýsym. QazAqparat - Búgin jergilikti ýaqyt boıynsha saǵat 05:07-de QHR Shyńjan-Uıǵyr avtonomııalyq ólkesiniń soltústik-batysynda 6,6 balldyq kúshpen jer silkindi, dep habarlady qytaıdyń seısmologııalyq qyzmeti.
Zilzalanyń kindigi Sınıýan Іle-Qazaq avtonomııalyq okrýgi men Hetszın Baıangol-Mońǵol avtonomııalyq okrýgteriniń arasynda, taýly aýdanda ornalasty.
Jergilikti BAQ-tyń taratqan aqparatyna kóz júrgirtsek, jerasty dúmpýleri 20 mılllıon halqy bar Shyńjańda, ásirese Úrimshi, Qaramaı, Shıhetszy qalalarynda baıqaldy.
Birqatar aýdandarda elektr qýaty men baılanystaǵy irkilister oryn alýdy, jer qrtysynyń yǵysýy saldarynan keıbir tas joldar jabyldy. Jer silkinisine baılanysty Shyńjańǵa baratyn 32 jolaýshy avtobýsy men júk poıyzdary toqtatyldy.
Jer silkinisi oryn alǵan aýdanǵa qutqarýshylar toby jiberildi. Jergilikti bılik ókilderiniń málimdemesine qaraǵanda, ázirge jaraqattanǵan 10 adam týraly aqparat bar, onyń bireýi aýyr halde.
QHR ShUAÓ Іle-Qazaq avtonomııalyq aýdany Qazaqstannyń Almaty jáne Shyǵys Qazaqstan oblystarymen shektesedi.
