Qytaıdyń Shynjań ólkesi de tabıǵat apatynan zardap shegýde
ASTANA. Mamyrdyń 7-si. QazAqparat /Rızabek Núsipbekuly/ - Sáýir aıynyń sońynan bastap Qytaıdyń Іle, Altaı, Tarbaǵataı aımaqtarynda qar erip, tasqyn júrse, Turpan, Qumyl óńirlerinde qumdy boran soǵyp, tabıǵat tosyn qyr kórsetti.
Bul týraly QazAqparat Sınhýa agenttigine silteme jasap habarlaıdy.
Mamyrdyń 5-sine deıin tabıǵat apatynan Shynjańda jalpy 1 mıllıon 150 myńdaı adam zardap shekti. 7 adam opat bolyp, 2 adam iz-túzsiz joǵalǵan. Sonymen birge 44 myń 100 gektar aýmaqtaǵy egis daqyldaryn sý shaıyp ketken. 37 myń úı qulap, 95 myń úı búlingen. 55 myń 200 bas mal ólip, naqty ekonomıkalyq zııan 2 mıllıard 420 mıllıon ıýanǵa jetken.
Jergilikti ókimet shuǵyl attanysqa kelip, 71 myń adamdy qaýipsiz jerge kóshirdi. Zardap shekken turǵyndarǵa azyq-túlik pen kıim-keshek jetkizip, zattaı jáne qarjylaı kómek kórsetýde.
