Qytaıdyń shyǵysynda jer silkinisinen 126 ǵımarat qırady

BEIJІŃ. QazAqparat - Qytaıdyń shyǵysyndaǵy Shandýn provıntsııasynda 6 tamyz kúni Beıjiń ýaqytymen saǵat 02:33-te 5,5 baldyq jer silkinisi bolyp, 21 adam zardap shekti. Bul týraly provıntsııanyń tótenshe jaǵdaılar basqarmasy habar taratty, dep habarlaıdy QazAqparat tilshisi.

Qytaı seısmologııalyq ortalyǵynyń málimeti boıynsha, Shandýn provıntsııasynyń Dechjoý qalasyndaǵy Pıngıýan okrýginde bolǵan úlken jer silkinisinen keıin 50-den astam jer silkinisi tirkeldi.

Beıjiń ýaqytymen saǵat 8:00-degi jaǵdaı boıynsha jer silkinisi aımaǵynda 21 adam jaraqat aldy, shamamen 126 ǵımarat qulady.
Jeksenbide Shandýn provıntsııasyndaǵy poıyzdardyń qozǵalysy jer silkinisinen keıin ishinara toqtatyldy. Jergilikti bıliktiń málimetinshe, baılanys jáne energııamen jabdyqtaý júıeleri ádettegideı jumys isteı beredi.
Provıntsııa bıligi shuǵyl áreket etý sharalaryn bastady. Jer silkingen aýmaqtarǵa órt-qutqarý jasaqtary jiberildi.