Qytaıdyń shyǵysynda taıfýnnyń arty ondaǵan adamnyń ómirin jalmaǵan sý tasqyny men selge ulasty
ASTANA. QazAqparat - Qytaı shyǵysyndaǵy Chjetszıan provıntsııasynyń bıligi habarlaǵandaı, joıqyn taıfýn týdyrǵan sý tasqyny men sel aǵyny saldarynan kem degende 12 adam qaza tapty, dep habarlady Bı-bı-sı.
Daýyldyń jaqyndaýyna baılanysty senbi kúni ondaǵan myń turǵyn qaýipsiz jerge kóshirilgen. Jeksenbide taıfýn soltústik baǵyttaǵy jaǵalaýǵa qaraı yǵysty.
Provıntsııanyń keı óńirlerinde táýlik ishinde jaýyn-shashyn kólemi jarty metrge deıin jetti, bul sońǵy júzjyldyqta rekordty kórsetkish bolyp tabylady.
Tabıǵı apat shyǵyny júzdegen mıllıon dollardy quraıdy dep habarlanýda.
Senbide osy dárejedegi taıfýnnan Taıvan turǵyndary zardap shekken.
