Qytaıdyń shyǵysynda ornalasqan hımııalyq zaýytta jarylys boldy
ASTANA. QazAqparat - Chjanchjoý (Fýtszıan shyǵysqytaılyq provıntsııasy) qalasyndaǵy munaı hımııalyq zaýytta jarylys boldy, dep habarlady TASS.
Kýágerlerdiń aqparatynsha, jarylys shamamen jergilikti ýaqytpen saǵat 19:00 (14:00 msk) bolǵan. Japa shekkender týraly habar kelip túspedi. Bul týraly jergilikti "Tsıýanchjoý van" jańalyqtar portaly habarlady.
Aldyn ala málimetterge qaraǵanda, oqıǵa ornynyń mańyndaǵy ǵımarattardyń shatyry ushqan. Ǵalamtorǵa ornalastyrylǵan oqıǵa ornynda jasalǵan sýretterden jarylystyń aýqymdy bolǵanyn kórýge bolady.
Oqıǵa ornyna 80-ge jýyq kólik pen 430 qutqarýshy jiberildi.
