Qytaıdyń Shińgil aýdanynda tuńǵysh ret «Qara jorǵa» merekesi ótti
STANA. Tamyzdyń 31-i. QazAqparat /Rızabek Núsipbekuly/ - Keshe tústen keıin, Shynjańnyń Altaı aımaǵyna qarasty Shińgil aýdanynda tuńǵysh ret kezekti «Qara jorǵa» merekesi atalyp ótti, dep habarlaıdy QazAqparat Qytaıdyń «Halyq gazeti» saıtyna silteme jasap.
2009 jyldyń dál osy kúni Shińgildegi ár ult halqynan quralǵan 13 myń 288 adam bir mezette «Qara jorǵa» bıin bılep Gınnestiń rekordtar kitabynan oryn alǵan bolatyn. Sonymen birge bul bı Qytaıdaǵy eń tańdaýly 12 týyndynyń biri bolyp baǵalanǵan edi. Keshe Shińgil halqy sol uly dýmandy toıdyń bir jyldyǵyn eske aldy. «Qara jorǵa» merekesi aýdan qalashyǵynyń halyq alańynda ótkizildi. Saltanatty toıdy 1000-nan astam arnaıy daıyndalǵan bıshiler «Qarajorǵa» bıimen bastady. Ári qaraı alańǵa jınalǵan aq basty atadan, alty jastaǵy balaǵa deıingi adamdar ónerpazdarmen qosyla bı bılep, mereke shattyǵyna shomyldy. Kesh sońy kontserttik baǵdarlamamen jalǵasyp, shat zaman, baqytty turmys bımen kestelenip, ánmen órildi.
