Qytaıdyń Shansı provıntsııasynan Pavlodarǵa alǵashqy júk poıyzy keldi
PAVLODAR. QazAqparat - Qytaıdyń Shansı provıntsııasynan Pavlodarǵa alǵashqy júk poıyzy keldi. Temir jol kerýeni Taııýan qalasynan tıelgen júkti jeti kúnde jetkizgen, dep habarlaıdy «QazAqparat» HAA tilshisi.
Pavlodar oblystyq ınvestıtsııalardy tartý agenttiginiń basshysy Ánýar Múkishev poıyzdyń «Bir beldeý, bir jol» baǵdarlamasynyń aıasynda kelgenin aıtty. «Qytaı Qazaqstan jáne Reseı arqyly Eýropaǵa temir jol arqyly týra júk tasymaldaýdy josparlap otyr, kóliktiń basqa túrlerine qaraǵanda bul arzandaý túsetini belgili. Budan tys Qytaıdan Rotterdamǵa deıin júk 40 kún júredi, al temir jol ony aıtarlyqtaı qysqartady», - deıdi basshy.
Sondyqtan Qytaı bul marshrýttardy synaqtan ótkizip jatyr. Alǵashqy poıyz kommertsııalyq júk alyp keldi, Á. Múkishevtiń pikirinshe, bul saýda baılanystaryn jandandyrýǵa septigin tıgizedi.
Qytaı kóp kúsh salyp otyrǵan «Bir beldeý, bir jol» jobasy boıynsha 40 el kelisimderge qol qoıǵan, Qytaıdan Nıderlandyǵa, Ulybrıtanııaǵa, Belarýske, Iranǵa temir jol baǵyttaryn ashyldy. Taǵy bir poıyz 29 qyrkúıek kúni Úrimjiden Rotterdamǵa qaraı bet túzegen.
