Qytaıdyń saýda ortalyǵyndaǵy órt kezinde 17 adam qaza tapty
ASTANA. 6 qarasha. QazAqparat - Qytaıdyń soltústik-shyǵysyndaǵy Tszılın (Gırın) qalasyndaǵy saýda ortalyǵyndaǵy órt saldarynan 17 adam qaza tapty,
dep habarlady búgin "Sınhýa" agenttigi.
Sońǵy málimetter boıynsha, bir adam iz-túzsiz joǵalǵan dep sanalyp otyr jáne 28-i túrli jaraqattar aldy. Órt sóndirýshilerge jalyndy aýyzdyqtaý úshin jarty kún ýaqyt ketti, dep naqtylaıdy Agence France-Presse .
Órt sebepteri ázirge anyqtalǵan joq, tergeý amaldary júrip jatyr. Saýda ortalyǵynyń bas basqarýshysy tergeý úshin ustaldy.
Qytaıda adam ólimine alyp keletin órtter jıi oryn alyp turady, dep atap ótedi AFP. Olar qaýipsizdik sharalaryn óz dárejesinde qadaǵalamaýdyń saldarynan oryn alady.
