Qytaıdyń pırotehnıka fabrıkasyndaǵy jarylys: 25 zardap shekti
ASTANA. QazAqparat - Qytaıdaǵy pırotehnıka fabrıkasynda bolǵan jarylystan 25 adam zardap shegip, taǵy 4 adam tabylmaı jatyr.
Tszıansı provıntsııasyndaǵy (eldiń shyǵysy) pırotehnıkalyq fabrıkadaǵy jarylystan 25 adam zardap shegip, taǵy 4 adam iz-tússiz ketken. Bul týraly Sınhýa agenttigi habarlady. Qazir apat bolǵan jerde qutqarýshylar jumys istep jatyr, jaraqat alǵandardyń barlyǵy aýrýhanalarǵa jetkizildi.
Jergilikti bıliktiń málimetine sensek, fabrıkaǵa jaqyn mańaıdan 1 myń adam qaýipsiz jerge kóshirilgen. Polıtsııa qaıǵyly oqıǵany tekserýdi qolǵa aldy, al kásiporyn basshylary qamaldy.
Qytaıda jyl saıyn kóktem merekesine qaraıpırotehnıka kásiporyndarynyń jumysy qarqyn alady. Bul - qytaıdyń jańa jyl merekesi, ol bıyl 8 aqpanda atap ótiledi
