Qytaıdyń ońtústik-shyǵysynda koronavırýs órship jatyr
QHR Densaýlyq saqtaý isteri jónindegi memlekettik komıtetiniń habarlaýynsha, ótken táýlikte Fýtszıan provıntsııasynda 21 adam koronavırýs juqtyrǵan. Olardyń basym kópshiligi úsh mıllıonnan astam turǵyny bar teńiz jaǵasyndaǵy Pýtıan qalasynyń turǵyndary. 11 qyrkúıekten bastap COVID-19 taralý qaýpine baılanysty Pýtıanǵa (Fýtszıan provıntsııasy) qatynaıtyn qalaaralyq jáne aımaqaralyq marshrýttyq taksılerdiń jumysy ýaqytsha toqtatyldy, sonymen qatar basqa aımaqtarǵa baratyn jolaýshylar avtobýsy toqtatyldy.
Eldi mekendegi sporttyq, demalys, oıyn-saýyq jáne basqa da oryndar ýaqytsha jabyldy. Qaladan shyǵý úshin koronavırýsqa test tapsyrý qajet. Ótken senbide QHR Densaýlyq saqtaý isteri jónindegi memlekettik komıteti koronavırýstyń aldyn alý jáne baqylaý jumystaryn basqarý úshin Fýtszıan provıntsııasyna jumys tobyn jiberdi. Resmı aqparatqa sáıkes, qurlyqtyq Qytaıda naýqastardyń 94,35%-y emdelgen. 2019 jyldyń jeltoqsan aıynan bastap juqtyrǵandar sany 95,1 myń adamnan asty. Ótken jumada qurlyqtyq Qytaıda KVI vaktsınasynyń shamamen 2,13 mıllıard dozasy salyndy. Sondaı-aq, Qytaıda COVID-19 vaktsınalarynyń 60 mıllıonnan astam dozasyn 12-17 jas aralyǵyndaǵy jastar ektirgeni habarlandy.
Avtory: Rýslan Súleımenov