Qytaıdyń ońtústik-batysynda jer silkinisi saldarynan 16 adam zardap shekti
BEIJІŃ. Aqpannyń 1-i. QazAqparat /Rýslan Súleımenov/ - Jeksenbi kúni Qytaıdyń ońtústik-batysynda Sychýan provıntsııasyndaǵy Sýının qalasy men Týnnan ýezinde kúshi 5 baldyq jer silkinisi boldy.
Oqıǵa saldarynan 1 adam qaza taýyp, taǵy 16 adam jaraqattandy.
«Sınhýa» agenttiginiń habarlaýyna qaraǵanda, aldyn ala málimetter boıynsha apat saldarynan Sýının qalasynyń Antszıýı aýdanynda 218 nysan qulaǵan, 10 667 qurylys zardap shekken. Oǵan qosa kópirler, joldar, sý qoımasy jáne basqa da ınfraqurylymdyq nysandar zaqymdanǵan.
