Qytaıdyń ońtústik batysynda shahtadaǵy jarylystan keminde 18 adam qaza tapty
ASTANA. QazAqparat - Qutqarýshylar dúısenbi kúni Chýntsın qalasynda kómir shahtasynda bolǵan jarylystyń taǵy úsh qurbanyn tapty. Osylaısha qaza bolǵandar sany 18-ge jetti.
Bul týraly "Sınhýa" agenttigi habarlady.
Taǵy 15 kenshi topyraq astynda qaldy, olardy izdeý jalǵasýda. Jarylys kezinde barlyǵy 35 jumysshy bolǵan, olardyń ekeýin syrtqa shyǵaryp úlgerdi.
Oqıǵa ornynda 400-den astam qutqarýshy jumys isteýde, jedel járdemnen 20 brıgada kezekshilik etýde. Polıtsııa tergeý júrgizýde.
Chýntsın bıligi jyldyq 90 myń tonna ónim kólemindegi barlyq shahtany ýaqytsha jaýyp, qaýipsizdikti tekserýdi bastamaq.
