Qytaıdyń Ońtústik-Batysynda kúshti burshaq saldarynan 400-den astam adam zardap shekti
ASTANA. 15 sáýir. QazAqparat - Qytaıdyń Ońtústik Batysyndaǵy Gýıchjoý provıntsııasynda kúshti burshaq jaýýyna baılanysty ortalyq ókimet oryndarynyń pármenmen apattyq jaǵdaı rejımi jarııalandy, dep habarlady ITAR-TASS.
Qytaılyq BAQ-tyń habarlaýynsha, onyń saldarynan bir adam qazaǵa ushyrap, 99-y jaraqat alǵan. Júz myńnan astam adamdy kóshirý nemese olarǵa basqalaı kómek kórsetý qajet.
Sınhýa agenttiginiń habarlaýynsha, burshaqtyń saldarynan 422 myńǵa tarta adam zardap shekken. 4 myńnan astam turǵyn úıler búlinip, provıntsııaǵa kelgen tikeleı ekonomıkalyq shyǵyn 252 mln. ıýandy (40 mln. AQSh dollary) quraǵan. Jergilikti ókimet oryndary zardap shekkenderge shatyrlar, tósek-oryn, kıim jetkizýdi uıymdastyrýda.
Apat aımaǵyna QHR azamattyq ákimshilik mınıstrliginiń qyzmetkerleri men tabıǵı apat saldaryn joıý mamandary attandy.
