Qytaıdyń ońtústik-batysynda bolǵan jer silkinisinen zardap shekkenderdiń sany 50-ge jetti
ASTANA. QazAqparat - Qytaıdyń ońtústik-batysyndaǵy ıÝnnan provıntsııasynda bolǵan 5,5 magnıtýdaly jer silkinisinen zardap shekkenderdiń sany 50-ge deıin jetti.
Sınhýa agenttigi habarlaǵandaı, olardyń segiziniń jaǵdaıy nashar.
Osyǵan deıin tabıǵat apatynan 20 adam japa shekkeni habarlanǵan.
Jeksenbi bolǵan jer silkinisiniń oshaǵy Mıanmamen shakaradaǵy Lıntsan qalalyq okrýginiń Tsanıýan-Vaskom avtonomdy ýezinde ornalasqan. Apat saldarynan 15 myńnan astam úı buzyldy.
Qazir bul jerde sý men elektr energııasyn tartý júıesi jarym-jartylaı qalpyna keltirildi. Jer silkinisi saldaryn joıý úshin 4 mln. ıýan (650,4 myń dollar) bólindi.
ıÝnnan provıntsııasy Qytaıdyń seısmıkalyq belsendiligi joǵary aımaqtarynyń biri. Sońǵy iri jer silkinisi munda 2014 jyldyń tamyz aıynda bolǵan. Ol kezde 600-den astam adam qaza tapty.
