Qytaıdyń ońtústigine alapat Mırınae taıfýny jetti
ASTANA. QazAqparat - Qytaıdaǵy Mırınae (Mirinae) taıfýny seısenbi kúni ońtústikqytaılyq Haınan araldaǵy provıntsııasyna jetti. Osyǵan baılanysty bılik eskertý jarııalady, dep habarlady Sınhýa agenttigi.
Taıfýn seısenbi kúni jergilikti ýaqytpen saǵat 22.20 Dýngao ýezine jetti. Alapat jeldiń jyldamdyǵy saǵatyna 100 kılometrge jetti.
Daýyl aldynda 25 myńnan astam balyq aýlaý shhýnalary teńizden aılaqqa oralǵany habarlandy. Sonymen qatar Haınan men Gýandýn provıntsııasy arasyndaǵy barlyq jolaýshylar kemeleriniń qatynaýy toqtatyldy.
Taıfýn saldarynan Haınan araly, Leıchjoý jartylaı araly, Gýandýn provıntsııasy men Gýansı-Chjýan avtonomdy aýdanynda qatty jel soǵyp, nóserli jaýyn jaýady.
