Qytaıdyń ońtústigindegi sý basqan týnnelden 14 adamnyń múrdesi tabyldy

ShANHAI. QazAqparat – Qytaıdyń ońtústiginde týnneldi sý basýy saldarynan qurban bolǵandardyń sany 14-ke jetti. Qytaıdyń Ortalyq telearnasynyń málimetinshe, beısenbi kúni qutqarýshylar taǵy bir adamnyń múrdesin tapqan, dep habarlaıdy QazAqparat.

Oqıǵa 15 shilde kúni tańerteń erte Chjýhaı qalasynda (Gýandýn ońtústik provıntsııasy), Shıtszınshan taýlaryndaǵy týnnelde bolǵan. Týnneldiń bir bóligine qurylys jumystaryn júrgizý kezinde sý basqan. Saldarynan 14 adam syrtqa shyǵa almaı qaldy. Sársenbi kúni keshke 13 adamnyń denesi tabylǵan bolatyn.

Jedel qyzmetterdiń shamamen 2,5 myń qyzmetkeri qatysqan izdestirý-qutqarý operatsııasy aıaqtaldy. Jergilikti bılik TJ sebep-saldaryn anyqtaý jumystaryn jalǵastyrýda.