Qytaıdyń ońtústigindegi alapat daýyl saldarynan 16 adam qaza tapty
BEIJІŃ. QazAqparat - QHR-ynyń arnaýly ákimshilik aýdany Aomen (Makao) jáne ońtústikqytaılyq Gýandýn provıntsııasynda taıfýn saldarynan 12 adam qaza taýyp, 153 adam jaraqat aldy, dep habarlaıdy "QazAqparat" HAA Qytaıdaǵy menshikti tilshisi.
Zardap shekkenderdiń basym bóligi - 8 adam Makaoda tirkelgen, Chjýhaı, Chjýnshan qalalary jáne Tszıanmende, Gýandýn provıntsııasynda sáıkesinshe 4,3 jáne 1 adam qaza tapty. Aımaqtaǵy elektr taratý jelileri, qoǵamdyq kólikterdiń jumysy buzylyp, 700 myńnan astam turǵyn úılerge kirý joldary jabylǵan.
Gonkongta jeldiń ekpini aǵashtardy qıratyp, qala kósheleriniń keıbir bólikterin sý basqan. Kóptegen qoǵamdyq mekemeler, kompanııalar men bilim oshaqtary jabylyp qaldy. Sonymen qatar, 400-den astam áýe reısteri toqtatylyp, Makaony jaqyn araldarmen baılanystyratyn joldar jabyldy.
Daýyl bastalǵanǵa deıin bılik Gýandýn prvıntsııasyndaǵy jaǵajaıǵa jaqyn ornalasqan shamamen 279 myń jáne kórshiles Gýansýn provıntsııasynyń 128 myń turǵynynyń úılerin bosatýyn aldyn ala eskertken. Qytaı meteorologııalyq qyzmeti apatty jaǵdaıǵa baılanysty qaýiptiliktiń qyzyl deńgeıin jarııalady. Taıfýn oshaǵyndaǵy jeldiń eń joǵary jyldamdyǵy 155 km/s deıin jetti. Qazirgi ýaqytta Hato daýyly Qytaıdyń batysyna qaraı aýysyp, Gýansı, ıÝnnan jáne Gýıchjoý provıntsııalaryna nóser jaýyn alyp keldi. 
