Qytaıdyń ońtústiginde jyl basynan beri qus tumaýyn 50 adam juqtyrǵan
ASTANA. QazAqparat - Qytaıdyń Gýandýn provıntsııasynda jyl basynan beri H7N9 qus tumaýyn juqtyrýdyń 50 oqıǵasy tirkeldi, dep habarlady TASS.
«Chjýn Jıbao» basylymy Qytaıdyń jańa jylyn toılaýy vırýstyń taralýyna áser etedi dep jazady. «Jańa jyldy toılaý kezinde Qytaıda qus etin jeıtinder sany kóp bolady», - deıdi qytaılyq provıntsııa ákimshiliginiń ókili.
Sondyqtan da Gýandýn provıntsııasynyń aýrýlardy baqylaý jáne aldyn alý ortalyǵynyń sarapshy mamany He Tszıanfen bılik ókilderine tiri qus etin satýdy qatań baqylaýǵa alý kerektigin eskertti.
