Qytaıdyń ońtústiginde topan sýdan mılıonnan astam adam zardap shekti
ASTANA. QazAqparat - Qytaıdyń ońtústigindegi topan sýdan kem degende úsh adam qurban boldy, 1,2 mln.-ǵa jýyq adam zardap shekti, dep habarlady ITAR-TASS.
QHR-dyń azamattyq ákimshilik mınıstrliginen habarlaǵandaı, jergilikti bıliktegiler 29 myń adamdy kóshirýge májbúr boldy. Jaýyn-shashyn Tszıansı, Hýnan, Gýandýn, Gýıchjoý ońtústik provıntsııalarynda jáne Gýansı-Chjýans avtonomııalyq ólkesinde kóp túsken.
Jaýynnyń kóp jaýýyna baılanysty topan sý 93,1 myń tektar jerdegi egin dalasyna zııan keltirdi. 1,5 myńǵa jýyq úı buzylyp, taǵy 9,2 myńy qırady.
Ońtústik Qytaıdyń Shenchjen qalasynda sońǵy birneshe jyldaǵy bolǵan qatty nóserden jol boıynda 2 myń mashınany sý basyp, 48 reıs keıinge qaldyryldy.
Ekonomıkaǵa keltirilgen tikeleı zalaldy bıliktegiler 930 mlrd. ıýanǵa (151 mln. dollar) baǵalap otyr.
