Qytaıdyń ońtústiginde sý tasqyny saldarynan 8 myń adam kóshirildi
ASTANA. QazAqparat - Ońtústik qytaılyq Gýandýn provıntsııasynda El-Nınoda sý tasqyny saldarynan segiz myń adam kóshirildi, bul týraly Ortalyq qytaı televıdenıesine silteme jasap TASS habarlady.
Budan basqa, onyń derekteri boıynsha, sý tasqyny saldarynan provıntsııada 150 myń adam zardap shekti.
«Bıyl El-Nıno qubylysynyń edáýir kúsheıýi saldarynan ıAntszy ózeniniń mańynda tótenshe jaǵdaı týyndaý qaýpi joǵary», - dep málimdedi QHR sý sharýashylyǵy mınıstriniń orynbasary Lıý Nın. Onyń aıtýynsha, eldiń birqatar aýdandarynda osy jyly mamyrda rekordtyq jaýyn-shashyn mólsheri kútilýde. Bul kúshti sý tasqynyna alyp kelýi yqtımal.
El-Nıno tynyq muhıttyń ekvatorıaldyq bóliginde temperatýranyń joǵarylaýyn týdyratyn jyly aǵyndy qamtıdy. Tabıǵattyń tosyn minezi jel baǵytyna yqpal etedi. Sondaı-aq bir óńirlerde nóser jaýyn jaýsa, bir jerlerde qurǵaqshylyq oryn alyp jatady.
