Qytaıdyń ońtústiginde nóser jaýynnyń saldarynan 17 adam qaza boldy
BEIJІŃ. 19 sáýir. QazAqparat /Rýslan Súleımenov/ - Qytaıdyń ońtústigindegi Gýandýn ýálaıatynda qatty jel turyp, kún kúrkiregen jáne burshaq aralasyp jaýǵan nóser jaýynnyń saldarynan jalpy eseppen 19,7 myńdaı adam zardap shekti. 17 adam qaza bolyp, 187 adam túrli jaraqat aldy. Tabıǵat apatynan kelgen tikeleı ekonomıkalyq shyǵyn 20 mıllıon AQSh dollaryna baǵalanyp otyr.
Esterińizge sala keteıik, 17 sáýirde Gýandýn ýálaıatynda qatty nóser bolyp, uıytqyp jel turdy, burshaq jaýdy, keıbir aýdandarda jeldiń jyldamdyǵy 45 metr/sekýndqa deıin jetti. Apat aýmaǵynan shuǵyl túrde 907 adam qaýipsiz jerge kóshirildi.
Tabıǵattyń tosyn minezinen 45 turǵyn úı qıraǵan, al zardap shekken egistik alqaptarynyń aýdany 1680 gektardy qurap otyr.
