Qytaıdyń ońtústiginde nóser jaýynnan 27 adam qaza tapty
ASTANA. QazAqparat - Qytaıdyń ońtústiginde qatty nóser saldarynan 27 adam qaza taýyp, eki adam iz-tússiz ketti, dep habarlady jergilikti BAQ.
Qytaıdyń alty provıntsııasynda qatty nóserden 3,4 mln. jergilikti turǵyn zardap shekti. Búgin qytaılyq Chýntsın megapolısinde 200 myńnan astam turǵyn shuǵyl túrde qaýipsiz jerge kóshirildi.
Qytaıdyń ońtústiginde 9700 turǵyn úı sý astynda qalyp, 55 myńǵa jýyq turǵyn úı zaqymdaldy, 20 myń gektar alańdaǵy egin joıyldy. Apattyń tikeleı ekonomıkalyq shyǵyny 6,65 mlrd. ıýandy quraıdy.
